Sanatoriyada qonaqlar ilk olaraq mütləq şəkildə hərtərəfli tam müayinədən keçirlər. Burada biokimyəvi laboratoriya, klinik diaqnostik laboratoriya, elektrokardioqramma və USM kabineti, terapevt, ginekoloq, nevropatoloq, uroloq, stomatoloq, qulaq burun boğaz həkimləri kimi yüksək ixtisaslı mütəxəssislərin olması qonaqlara vaxtında düzgün diaqnoz qoymağa imkanı verir. Adətən sanatoriyada müalicə müddəti 15 gün təşkil edir. Mütəxəssislər qonaqlara çox zaman, fərdi diaqnozdan irəli gələrək müalicəvi naftalan vannaları və yod-brom vanalları təyin edirlər.

Sanatoriyanın ərzisində yataq korpusu, müalicə korpusu və yeməkxana korpusu yerləşir. “SEHRLİ NAFTALAN” sanatoriyası qonaqlara bir, iki və üç yerlik standart otaqlar və lyuks otaqlar təklif edir. Burada Siz komfortlu rahat istirahət üçün lazım olan hər şey tapacaqsız.

Kompleksin yeməkxanası hər dada uyğun cürbəcür Avropa və Azəerbaycan yeməkləri təklif edir. Eyni zamanda sanatoriya namaz qılmaq üçün xüsusi otaq, bilyard otağı, kişi və qadınlar üçün salon, oyun otağı ilə də təchiz olunub. Bundan başqa sanatoriyada rəqs axşamları keçirilir. Gündüzlər isə Siz yaxında yerləşən diqqətəlayiq yerlərə təşkil edilən maraqlı ekskursiyalara qoşula bilər və bu yerlərin son dərəcə gözəl nadir təbiətinə baxıb zövq ala bilərsiz.